Ermonela Jaho do të jetë krahas Placido Domingos në festivalin e madh spanjoll Peralada.
Sopranoja shqiptare është ndër të parat këngëtare klasike që ka konfirmuar pjesëmarrjen e saj, teksa do të performojë operën “Thais” nga Jules Massenet.
Koncerti do të mbahet verën e ardhshme, më 29 korrik, ndërsa një ditë më parë, tenori Jonas Kaufmann do të shoqërohet nga Orkestra e Teatrit Mbretëror të Spanjës.
Sopranoja shqiptare ka bashkëpunuar edhe në të kaluarën me Placido Domingon. Ajo vjen në rolin e kurtizanes, ndërsa Domingo në rolin e Athanael.
Po ashtu, artistët do të shoqërohen nga Michele Angelini, Jean Teitgen, Lidia Curtis dhe Elena Copons, ndërsa koncerti do të nisë në orën 22:00 në The Castle Gardens Auditorium në qytetin Peralada.
