Kreu i grupit parlamentar të Partisë Demokratike, Edi Paloka ka akuzuar kreun e Qeverisë se po mbron kryebashkiakun Dako, i cili sipas tij, është i lidhur me krimin.
Paloka tha në një deklaratë për mediat se Prokuroria e Krimeve të Rënda disponon përgjime të Dakos, ku ky i fundit u premton kriminelëve tendera me qëllim fitoren e zgjedhjeve.
FJALA E PALOKËS:
Në Durrës politika dhe krimi janë bërë një. Këtë model Edi Rama e ka ngritur njësoj kudo, formula është për të përdorur krimin për të marrë pushtetin e më pas pasuro veten dhe krimin. Modeli provohet nga përgjimet që disponon Prokuroria e Krimeve të Rënda, ku Dako është regjistruar gjatë zgjedhjeve të fundit duke u premtuar tendera kriminelëve më të rrezikshëm të Durrësit në këmbim të blerjes së votave.
Rama dhe Dako nuk japin asnjë shpjegim për këtë çështje, synimi është të heshtin derisa të marrin në kontroll Prokurorinë.
Rama po trajton Dakon si Tahirin, i jep mbrojtje sepse gjithçka lidhet me Edi Ramën.
Me Ramën lidhet krimi. Me largimin e Ramës do të ketë garanci në luftën kundër krimit të organizuar.
