Gjeorgjia nuk do e njohë Kosovën. Kështu ka deklaruar kryeministri i Gjeorgjisë, Giorgi Kvirikashvili në një takim që pati të hënën në Tbilisi me zëvendëskryeministrin dhe Ministrin e Tregtisë së Serbisë, Rasim Ljajic dhe atë të Administratës Shtetërore dhe Pushtetit Lokal Branko Ruzhic, të cilëve u pohoi se vendi i tij mbetet në qëndrimin për të mos e njohur pavarësinë e Kosovës.
Sipas kryeministrit gjeorgjian, arsyeja e mosnjohjes së pavarësisë janë “parimet e paprekshmërisë së kufijve dhe mosndërhyrjen në punët e brendshme të shteteve të tjera që duhet të jenë bazë për stabilitetin e përgjithshëm në marrëdhëniet ndërkombëtare”.
Që nga shpallja e pavarësisë, Kosova është njohur nga 114 vende. Muajin e kaluar, kryediplomati serb, Ivica Daçiç tha se Surinami e ka tërhequr njohjen e Kosovës, mirëpo autoritetet kosovare patën mohuar të kenë pranuar dokument zyrtar lidhur me tërheqjen e njohjes së pavarësisë.
