Në Gjirokastër është zhbllokuar ndeshja që nga tuneli, pasi Luftëtari e shohin veten në avantazh ndaj Laçit që në minutën e 3’. Një kombinim perfekt i Bregut me Abazaj, ka bërë që ky i fundit ë zhbllokojë ndeshjen që në startin e saj. Një gol i shpejtë i paparashikuar nga Lika, që bën të ndryshojë stilin e lojës duke u mbrojtur dhe kërkon të dalë në sulm me vertikalizime të gjata. Por laçianet kanë shtrënguar dhëmbët dhe janë hedhur në sulm, në harkun e 15 minutave kanë pasur tre raste të pastra shënimi me shkodranin Nika dhe Uzunin.
Në përfundim të pjesës së parë Dejvi Bregu kishte shansin e artë për të dyfishuar rezultatin, por vonohet në gjuajtje dhe më pas bllokohet nga mbrojtja e Laçit. Pjesa e parë mbyllet me një rast të mirë të Rexhinaldos, për të barazuar, por ish-sulmuesi i gjirokastritëve nuk ia del me goditjen nga distanca. Ndërsa pjesa e dytë është më varfër me rastet për shënim, ku Bregu dhe Abazaj nuk janë më aq shqetësues për portën e kurbinasve. Minutat kalojnë dhe portat respektive mbetet të paarritura deri në minutën e 87-të, kur mbrojtësi Gjoni gjen golin me kokë për Laçin dhe barazon shifrat, duke mos i lejuar vlerë të plotë asaj “rrjete” të Abazajt në minutën e tretë. Të dy portierët kanë zhvilluar një ndeshje mjaft të mirë duke bërë disa pritje mjaft deçizive, për të mos lejuar pësimin e golave të tjerë. Ndërsa kjo ndeshje mbyllet në barazim mund të quhet si një ndeshje e fituar nga portieri i Luftëtarit dhe i Laçit.
LUFTËTARI-LAÇI 1-1
Golat: Abazaj 3’ / Gjoni 87′
Luftëtari: Ruçi, Rapa, Beqiri, Zeqaj, Zguro, Ramdani, Aleksi, Rroca ((Rapo 67′), Bregu, Abazaj, Lamçe. Trajner: Hasan Lika
Laçi: Selmani, Fangaj, Qaqi, Gjoni, Shala ((Xhixha 56′), Bardhi, Jonuzi, Eskerda ((Kallaku 79′), Nika, Uzuni, Rexhinaldo. Trajner: Gentian Mezani
Gjyqtarë: Juxhin Xhaja, Ilir Tartari, Gernat Qirici
Kartonë të verdhë: Beqiri 45+1′ / Gjoni 33′, Nika 90′
