Flamurtari mposht Lushnjën, në fushë e kësaj të fundit me anë të një supergoli të shënuar nga Liçaj në minutat shtesë. Vlonjatët me këtë fitore arrijnë të marrin vendin e dytë përkohësisht e 20 pikë, 6 më pak se kryesuesit e Skënderbeut. Përballja mes këtyre dy ekipeve, ishte ndeshja hapëse e javës së 11 të Superiores, ku Lushnja vazhdon të mbetet e fundit me 5 pikë, por ka për të zhvilluar edhe një ndeshje.
Pjesa e parë e sfidës ishte shumë e hapur dhe me shumë raste, por asnjëra nga ekipet nuk arritën të menaxhonin si duhet aksionet dhe portat mbetën të paprekura. Pjesa e dytë nis me një intensitet më të artë nga ana e “kuqezinjve’, por që nuk po arrinin të depërtonin në mbrojtjen e lushnjarëve. Në momentin më të mirë të miqve është Lushnja që rrezikon portën duke prekur shtyllë, pas një goditje me kokë të kapitenit Sefa.
Në minutat e fundit Flamurtari hidhet i tëri në sulm dhe kërkon që ta fitojë ndeshjen me çdo kusht. Është Liçaj që shfrytëzon mjaft mirë një top në zonë, duke ekzekutuar në roveshatë mjaft të bukur dhe dërgon topin në rrjetë. Një gol fantastik që i jep një fitore mjaft të vuajtur të Flamurtarit.
Flamurtari është duke zhvilluar disa ndeshje mjaft të mira, duke ndaluar edhe pak ditë më parë Skënderbeun. Tashmë Flamurtari është kthyer në një rrezik kryesorë për Kukësin që synon ë mbajë vendin e dytë dhe të ruaj titullin kampion. Nga ana tjetër Lushnja është në vendin e fundit dhe sa vjen e shuhen shpresat për mbijetesë. Pavarësisht ndeshjeve të bukura që kanë zhvilluar lushnjarët, rezultatet nuk kanë qenë në favorin e tyre.
