“Nagasaki”, romani që fitoi çmimin e madh nga Akademia Franceze në vitin 2010 tashmë vjen edhe në shqip. Botimi në shqipërimin e Blerta Hyskës e ka sjellë shkrimtarin francez Eric Faye në Tiranë.
Romancieri francez, Eric Faye i cili e ka njohur Shqipërinë përmes letërsisë së Kadaresë dhe miqësisë me të si edhe me të madhin Jusuf Vrioni, në romanin “Nagasaki” flet për izolimin dhe vetëizolimin e shoqërive të sotme.
I konsideruar një nga studiuesit kryesore të letërsisë së Kadaresë në Francë e po aq një shkrimtar shumë i talentuar Nagasaki që e sjell atë në shqip konsiderohet një kryevepër melankolie, një tregim therës për vetëizolimin. Romani shtjellon tema të rëndësishme si ndjenjën e fajit, turpin, vetmin, brejtjen e ndërgjegjes.
