Krimet brenda familjes për shkak të mentalitetit janë një histori e dëgjuar shpesh në Shqipëri, për fat të keq.
E tillë është edhe historia e Afërditës, shkodranes që tronditi Shqipërinë në vitin 2006, atëherë kur u zbulua.
Ajo ishte fëmija i madh i Brahimit, ndërsa në moshë të vogël i vdiq e ëma. Pas kësaj, i ati i Afërditës, Brahim Facaj u martua me Nurijen, me të cilën pati dy fëmijë.
Afërdita iku adoleshente në Itali kur ishte adoleshente, vend nga i cili u kthye disa vite më vonë, por tashmë e shoqëruar me një djalë.
Ajo kishte punuar si prostitutë në Itali, gjë e cila do të sillte vdekjen e saj, pikërisht ditën që u kthye në Shqipëri.
Babai i saj, një burrë me tradita dhe mentalitet të fortë, nuk e ka duruar dot turpin kur vajza iu kthye në Shkodër, ndaj e vrau 19-vjeçaren në vitin 1996, duke e masakruar pas koke me një hekur.
Më tej, Brahimi së bashku me Nurijen e groposën viktimën dhe ashtu mbeti për 10 vjet me radhë. Fëmijën e saj e rriti Brahimi derisa u bë 12 vjeç kur edhe i akuzuari përfundoi në burg.
Por, duket se ndërgjegjja nuk e ka lënë të qetë njerkën e Afërditës, e cila shkoi në polici 10 vite pas krimit dhe rrëfeu mbi vrasjen.
“Afërditën e vrava unë dhe e groposa për të fshehur gjurmët”, kishte deklaruar ajo para policëve.
Por, nga ana tjetër, pas zbulimit të krimit, Brahimi mori përsipër vrasjen duke këmbëngulur se të bijën e kishte vrarë ai për nder.
Në leximin e pretencës para trupit gjykues, prokuroria kërkoi 25 vjet burg për Brahim Facajn, e 15 të tjera për bashkëshorten e tij, Nurijen. Brahimi e ka pritur i qetë kërkesën e akuzës, duke e ka cilësuar atë si të drejtë, por nga ana tjetër, ai ka kërkuar që e shoqja të dënohet më pak nga sa kërkoi prokuroria.
Brahimi ka thënë se Nurija nuk ishte pjesëmarrëse në krimin e vrasjes, por ajo e kishte ndihmuar vetëm për varrosjen e vajzës.
Gjykata e Shkodrës dha vendimin për Brahim e Nurije Facajn nga fshati Drisht i komunës Postribë në Shkodër, të akuzuar për “vrasje me paramendim” të kryer në bashkëpunim dhe “fshehje e krimit”. Për babanë e viktimës Brahim Facaj, gjykata vendosi 25 vjet burg, ndërsa për bashkëshorten e tij, njëkohësisht njerka e viktimës, vendosi 15 vjet burgim.
Por, Brahimi, i cili vuante dënimin për vrasjen e vajzës së tij, ndërroi jetë gjatë së dielës në reanimacionin e QSUT-së.
Nga veprimet e kryera rezulton se vdekja e Facaj ka ardhur nga shkaqe natyrale.
Emri i tij tronditi mbarë opinionin publik në vitin 2006, kur u zbulua se ai së bashku me bashkëshorten Nurijen, ishin autorë të vrasjes së vajzës së tyre Afërditës, vetëm 19 vjeç dhe kjo për shkak të një mentaliteti që ende është shkak për krimet brenda familjes./ Tirana Today
