Nuk ka përmbysje, Italia tashmë është zyrtarisht jashtë botërorit “Rusi 2018”. Suedia qëndron heroike në “San Siro” duke bërë mjaft mirë detyrën mbrojtëse që kishte dhe ia del në fund, siguron një biletë për në finalet e botërorit. Kanë qenë 90’ minuta të dominuar nga axurrët në të gjithë aspektet por që nuk arritën në asnjë moment që të preknin rrjetën e portierit Olsen.
Kjo është një dramë për futbollin pasi katër herë kampionët e Botë, nuk kanë arritur të marrin pjesë në Kupën e Botës. Ventura ishte shprehur mjaft optimist për këtë përballje dhe nuk e kishte menduar fare, pasi në mendjen e tij ishin faza e grupeve, por për ironi është kolegu I tij Andersson që do ti shijojë ato.
Tashmë nuk dihet se çfarë do të ndodhë me futbollin italian. Në 90’ minutat e zhvilluara sot Italia futet në fushë me një formacion ofensiv dhe ia del mjaft mirë që të sulmojë, por detyrat e kundërshtarit ishin të mbroheshin dhe ia doli mjaft mirë.
Edhe pse në pjesën e dytë Ventura i shton forcat në sulm, ata nuk arritën asnjëherë të rrezikonin seriozisht në portë. Që në fillim të eliminatoreve u duk qartë që Italia nuk ishte në formë të mirë dhe u vërtetua tani me mospjesëmarrjen në Botëror. Pritet të ketë masa të rrepta në kombëtare me largime të shumta, pasi futbolli italian nuk e meriton atë paraqitje që pamë sot në fushë.
Lotët e Buffon flasin vetë për zhgënjimin që po përjeton Italia:
