Stadiumi “Loro Boriçi” nuk do të jetë i gatshëm për të pritur ndeshjen e radhës që ka Vllaznia përballë Lushnjës. Drejtuesit e ekipit prej disa ditësh ishin në kërkim të një fushe asnjanëse për të zhvilluar ndeshjen pasi stadiumi i tyre nuk është i gatshëm për të pritur ndeshjen, sepse në disa pjesë të tij është mbjellë bari dhe nuk është rritur sa duhet.
Duke parë edhe situatën në renditje shkodranët kanë vendosur që ta shtyjmë ndeshjen për mesjavën tjetër. Ndryshe nga vendimi që morën në përballjen me Skënderbeun, që e zhvilluan ndeshjen në Korçë, këtë herë ndeshja është akoma më e rëndësishme. Është më e rëndësishme pasi të dy ekipet janë në luftë për mbijetesë dhe Vllaznia nuk do që të rrezikojë dhe të luaj në stadiumin e Lushnjës, ku mund tu japë mundësinë atyre të marrin një rezultat pozitiv.
