Gazetarja Italiane e “Le Iene”, i është përgjigjur akuzave të Ramës, lidhur me reportazhin që ka publikuar për fëmijët që mbledhin krom në Bulqizë. Rama është shprehur se një fenomen i tillë nuk ekziston më në atë zonë, ku sipas tij në reportazh janë përdorur pamje dhe filmime të vjetra.
Reportazhi i Le Iene për fëmijët që mbledhin krom:
Gazetarja Alice Martinelli shkruan duke iu përgjigjur Ramës, se ajo ka qenë e pranishme gjatë filmimeve të reportazhit, dhe me tej shkruan se ajo ka prova të mjaftueshme për ta vërtetuar këtë. Madje siguria e saj arrin deri aty duke i thënë se çfarë do të bëjë Rama për fëmijët dhe familjet atje, pasi sipas saj reportazhi ka paraqitur situatën aktuale të zonës.
Reagimi i kryeministrit Rama: Reportazh i ndyrë:
Gazetraja shkruan më tej se:“Vëzhgimi ynë për fëmijët shqiptarë të cilët u filmuan duke mbledhur krom, na paka mërzitur kryeministrin Edi Rama.
Shqiptari, gjatë një deklarate për media thotë se hienat kanë “një program jo unik” dhe na akuzon se kemi bërë “një reportazh ndyrë me imazhe të vjetra, për një fenomen që nuk ekziston më.”
I nderuar Kryeministër Edi Rama, e kuptoj se reportazhi nuk iu ka pëlqyer: ai u regjistrua në mes të 14 dhe 16 tetor 2017, më pak se një muaj më parë. Nëse imazhet që ke parë nuk ishin të mjaftueshme (unë jam e pranishme në 90% të imazheve), Ne kemi të gjitha provat për të provuar atë: filma dhe fotot me datën, biletat dhe faturat e qëndrimit tonë.
Por më tregoni, pasi mund të dëshmojmë se është e vërtetë dhe aktuale, a do të bëni diçka për fëmijët e Bulqizës dhe familjet e tyre? Sepse ju e dini, ne i pamë ata me sytë tanë duke marrë gurë dhe pastaj i shisnim ato për 0.10 cent për kilogram. Siç e kemi parë, kur bie nata, një pjesë e qytetit është plotësisht e errët. Dhe kushtet strukturore dhe higjienike të disa shtëpive janë të tmerrshme.
Çfarë mendoni se duhet të bëni?”.
