Është Zvicra që ka siguruar pjesëmarrjen në botërorin që do të organizohet vitin e ardhshëm në Rusi. Ndeshja e dytë e “play-off” e zhvilluar në Bazel ka përfunduar me rezultatin e bardhë pa gola 0-0. Ndeshja e parë në Irlandë është fituar nga zviceranët pas një penalltie “fantazëm” të akorduar nga gjyqtari i ndeshjes. Ai episod ka vendosur që Irlanda e Veriut të jetë ekipi që përjashtohet nga Botërori.
Në ndeshje e sotme në Bazel kushtet nuk kanë qenë mjaft të mira në stadium, pasi reshjet e shiut e kanë kthyer fushën në një arenë balte. Ka pasur një dominim të helvetëve edhe në këtë sfidë të dytë por që nuk kanë arritur të shënojnë për të siguruar kualifikimin dhe u është dashur të presin arbitrin ti fryje bilbilit për të festuar. Irlandezoverirorët kanë zhvilluar një ndeshje mjaft të mirë dhe kanë pasur raste mjaft të mira, ku në një moment është Rodriguez që heq topin nga vija fatale për të shpëtuar kualifikimin.
