Sulmuesi Albian Ajeti është duke kaluar momente shumë të mira te skuadra e tij e re Basel, ku po shënon dhe asiston. Këto paraqitje të mira të kosovarit Ajeti kanë bërë që të dal dalë si i preferuari i tifozëve në një sondazh të së përditshmes Blick.
Ai mori 29.7% të votave, në sondazhin e hapur nga gazeta e njohur helvetike duke lënë pas mbrojtësin e Young Boys, Kevin Mbabut me 27.2% të votave. Albian Ajeti u bashku me skuadrën e Baselit vetëm gjatë muajit tetor, pasi u transferua nga skuadra e St Gallen. Paraqitjet e tij me Baselin kanë qenë të shkëlqyera duke shënuar dy gola që kanë rezultuar të rëndësishëm për ekipin e tij.
Ajeti është ftuar nga kombëtarja shqiptare por ai nuk i është përgjigjur akoma kësaj ftese, pasi është duke pritur që të jetë pjesë e Zvicrës. Panucci do tentojë sërish ta afrojë atë, por me paraqitjet që po bën kohët e fundit mund të bjerë në radarët e helvetëve të cilët mund ta përfshijnë në projektin e kombëtares së tyre.
