Pas reagimit zyrtar nga ana e Arabisë Saudite lidhur me lëshimin e raketës balistike nga Jemeni në drejtim të saj, në një deklaratë shtesë ka reaguar dhe Udhëheqja e forcave të Koalicionit, ndaj aktit të forcave milicore houthi që shënjestruan Mbretërinë e Arabisë Saudite.
Në reagimin e saj ajo bën përgjegjës Iranin se ka ndihmuar këta forca në furnizimin e tyre me raketa. Ajo e ka cilësuar këtë akt të Iranit si një agresion ushtarak ndaj Arabisë Saudite. Ndërsa thekson se ka “të drejtën legjitime të Mbretërisë së Arabisë Saudite për të mbrojtur territorin dhe popullin e saj, siç e përcakton lënda 51 e Kartës së Kombeve të Bashkuara. Është e drejta e Arabisë Saudite ti përgjigjet Iranit, në kohën dhe formën e duhur, të cilën ia garanton e drejta ndërkombëtare, bazuar në të drejtën e saj për të mbrojtur territorin, popullin dhe interesat e veta, të njohura nga të gjitha ligjet dhe konventat ndërkombëtare.”
Raketa u neutralizua përpara se të shkaktonte viktima. Më herët zëdhënësi zyrtar i Forcave të Aleancës në mbështetje të Legjitimitetit në Jemen, koloneli Turki Al-Maliki theksoi se raketa kishte si objektiv kryeqytetin zonat me popullsi të dendur. Por, sipas Al-Malikit, raketa u rrëzua nga forcat saudite në rrethinat e kryeqytetit pa shkaktuar dëmtime dhe pasoja në jetë njerëzish.
Deklarata e Udhëheqjes së Forcave të Koalicionit:
Bashkangjitur deklaratës së mëparshme rreth raketave balistike që forcat milicore houthi, pranë regjimit iranian, kanë lëshuar nga territori jemenas në drejtim të Mbretërisë së Arabisë Saudite, deklarojmë se sulmi më i fundit nga ana e forcave milicore houthi të Iranit, ka ndodhur ditën e Shtunë 15/02/1439, që korrespondon me 04/11/2017, ku shënjestrua kryeqyteti Riad me raketa balistike me distancë 900 km.
Nga kontrolli dhe analiza e bërë mbetjeve të raketës, nga ekspertë të teknologjisë ushtarake, u konstatua se ajo është lëshuar me datë 28/10/1438 h, që i korrespondon 22/07/2017, u vërtetua përfshirja e regjimit iranian në prodhimin e këtyre raketave, si dhe trafikimi i tyre tek forcat milicore houthi në Jemen, për të goditur Mbretërinë e Arabisë Saudite, popullin saudit dhe interesat jetike të Saudisë.
Udhëheqja e forcave të Koalicionit e konsideron përfshirjen e regjimit iranian në furnizimin e forcave milicore houthi me këto raketa, një shkelje flagrante të rezolutave të Këshillit të Sigurimit. Rezolutat e Këshillit të Sigurimit, në veçanti ajo me numër 2216, ua ndalojnë shteteve furnizimin me armë forcave milicore.
Përfshirja e Iranit konsiderohet një sulm i hapur i cili shënjestron vendet fqinje, sigurinë dhe paqen rajonale dhe ndërkombëtare.
Udhëheqja e koalicionit e konsideron këtë si një agresion ushtarak të hapur dhe të drejtpërdrejtë të regjimit iranian, i cili ndërmerr një akt lufte kundër Mbretërisë së Arabisë Saudite. Koalicioni thekson të drejtën legjitime të Mbretërisë së Arabisë Saudite për të mbrojtur territorin dhe popullin e saj, siç e përcakton lënda 51 e Kartës së Kombeve të Bashkuara. Është e drejta e Arabisë Saudite ti përgjigjet Iranit, në kohën dhe formën e duhur, të cilën ia garanton e drejta ndërkombëtare, bazuar në të drejtën e saj për të mbrojtur territorin, popullin dhe interesat e veta, të njohura nga të gjitha ligjet dhe konventat ndërkombëtare.
