Artistët shqiptarë bashkohen në Vjenë, në një koncert që do të mbahet më 16 nëntor.
Kështu, në skenë do të ngjitet sopranoja shqiptare me famë botërore, Inva Mula, të cilët do t’i bashkëngjiten edhe pianisti Genc Tukiçi, baritoni Gezim Myshketa, violinisti Olen Cezari dhe emra të tjerë të njohur të muzikës shqipe nëpër botë.
Koncerti mban emrin “Vienna salutes to Tirana” dhe nis në orën 19:00 në Sallën Moxart në Vjenë.
Në këtë koncert do të performojnë edhe balerini Eno Peçi, Volkhard Steude, Kuarteti i Filarmonisë Vjeneze dhe Maria Yakovleva – primabalerina e Operës Shtetërore të Vjenës.
Ky koncert do të bashkojë “ajkën” e artistëve shqiptarë, përfaqësues në skenat e muzikës botërore.
Koncerti në fjalë do të mbahet në radhën e organizimeve kulturore për nder të bashkëpunimit të ri Austri-Shqipëri 2018.
