Kreu i Partisë Demokratike Lulzim Basha nga foltorja e Kuvendit u është përgjigjur akuzave të kryeministrit Edi Rama, i cili u shpreh se duke iu drejtuar opozitës se ata nuk mbajnë përgjegjësi as për çfarë thonë, as për punën që bëjnë sot si opozitë përpara atyre që i kanë zgjedhur.
FJALA E BASHES
Aty ka korrupsion dhe krim, aty nuk ka zhvillim. Aty ku mbillet droga është e kotë të mbahet interpelancë për karotat e Divjakës. Nuk ka mollë e karota aty ku sundon krimi. Vendet që kanë rënë në pushtetin e drogës janë zhytur në humnerën e mjerimit. Kudo ku droga është lejuar si alternativë ekonomike ka rënë shkatërrimi. Droga dhe varfëria janë vëllezër siamezë. Nuk është rastësi që Shqipëria është edhe importuesi më i madh i drogës në Evropë dhe vendi më i varfër.
Dy vitet e fundit Shqipëria ka vendosur një rekord historik, nuk ka asnjë investim të huaj. E vetmja risi ekonomike që ka sot vendi është risia e klaneve mafioze të drogës dhe të krimit. Në vend të investitorëve të huaj Shqipërinë e vizitojnë prokurorë anti-mafia, ministra të Brendshëm dhe ushtarakë të vendeve të tjera, të tmerruar nga pasojat e drogës.
Shqipëria dhe Afganistani, talebanët dhe Edi Rama janë furnizuesit më të mëdhenj të drogës në Europë. Rama erdhi në pushtet si rilindas dhe po ikën si taleban.
