2 Nëntor 1917 –Deklarata Balfour, i hap rrugë krijimit të një shteti hebre në Lindjen e Mesme
Deklarata Balfour e vitit 1917, ishte një deklaratë zyrtare e qeverisë britanike, që shprehte “qëndrimin e Madhërisë së Tij, në favor të themelimit në Palestinë të një shtëpie kombëtare për popullin hebre, dhe se ai do të bëjë përpjekjet e tij më të mira për të lehtësuar arritjen e këtij objektivi, duke e bërë të qartë se nuk do të bëhet asgjë që mund të paragjykojë të drejtat civile dhe fetare të bashkësive ekzistuese jo-hebraike në Palestinë, apo të drejtat dhe statusin politik që gëzojnë hebrenjtë në çdo vend tjetër të botës “.
Deklarata u bë zytrarist nga sekretari i jashtëm, Arthur James Balfour, nëpërmjet një letre drejtuar Ëalter Rothschild, udhëheqës i bashkësisë hebraike britanike, për t’ia transmetuar Federatën Sioniste të Britanisë së Madhe dhe Irlandë. Letra pasqyronte qëndrimin e qeverisë britanike, siç ishte rënë dakord në mbledhjen e 31 tetorit. Balfour theksonte më tej, se deklarata është një shenjë e “simpatisë me aspiratat hebreje sioniste”.
Deklarata ishte fryt i përpjekjeve të Chaim Weizmann dhe Nahum Sokolow, udhëheqësit kryesorë sionistë me qendër në Londër, por ndërsa ata kishin kërkuar rindërtimin e Palestinës si një “shtëpi” hebreje, Deklarata nuk kënaqi shpresat sioniste. Deklarata “Balfour”, u inkorporua më vonë në Traktatin e paqes të Sevres me Turqinë dhe Mandatin për Palestinën. Dokumenti original, ruhet në Bibliotekën Kombëtare Britanike.
2 Nëntor 1755- Lind Mbretëresha e fundit e Francës, Marie Antoinette
Maria Antonia Josepha Johanna, lindi si Arkidukesha e Austrisë, dhe ishte fëmija i parafundit i Perandoreshës Maria Tereza dhe Françeskut I, Perandorit të Shenjtë Romak. Në prillin e vitit 1770, ajo martohet me me Louis-Auguste, trashëgimtarin e fronit mbretëror francez. Më 10 maj 1774, kur burri i saj u ngjit në fron si Louis XVI, ajo mori titullin mbretëreshë e Francës dhe Navarrës, të cilën ajo e mbajti deri në shtatorin e vitit 1792, kur revolucionarët shpallën fundin e monarkisë.
Pas tetë vjet martese, Marie Antoinette lindi një vajzë, Marie Therese e Francës, e para nga 4 fëmijët e saj. Megjithë popullaritetin e saj fillestar, shumë njerëz filluan ta urrejnë, duke e akuzuar se ishte e e shthurrur dhe se vazhdonte të ruante simpati për armiqtë e Francës, veçanërisht Austrinë e saj. Gjatë Revolucionit Francez, ajo u bë e njohur si Madame Defiçit, pasi për krizën financiare që mbërtheu vendin, u fajësuan shpenzimet e saj të tepruara, si dhe kundërshtimin e saj të disa reformave sociale dhe financiare.
Gjatë Revolucionit, pasi qeveria jakobine e vendosi familjen mbretërore nën arrest shtëpiak në Pallatin Tuileries në tetor 1789, disa ngjarje të lidhura me Marie Antoinette, veçanërisht në qershorin e vitit 1791 kur familja tentoi të arratiset nga vendi, si dhe roli i saj në Luftën e Koalicionit të Parë, patën efekte katastrofike në opinionin francez.
Më 10 gusht 1792, sulmi mbi Pallat e detyroi familjen mbretërore të strehohej në godinën e parlamentit, dhe më 13 gusht familja u burgos në një manastir. Më 21 shtator 1792, monarkia u anulua. Pas një gjyqi 2-ditor të nisur më 14 tetor 1793, Marie Antoinette u dënua nga Gjykata Revolucionare për tradhëti, dhe u ekzekutua me prerje koke në Place de la Révolution më 16 tetor 1793.
2 Nëntor 1836 – Natyralisti britanik, Charles Darwin, kthehet në Angli në bordin e anijes “HMS Beagle”, duke i dhënë fund një ekspedite 5-vjeçare oqeaneve të Atlantikut dhe Paqësorit. Pasi vizitoi vende si Brazili, Ishujt Galapagos dhe Zelanda e Re, Darwin përfitoi njohuri të shumta mbi florën, faunën dhe gjeologjinë e shumë tokave.
Ky informacion u dëshmua si i paçmuar në zhvillimin e teorisë së tij të evolucionit, e paraqitur në punën e tij shkencore novatore të vitit 1859, “Origjina e llojeve me anë të përzgjedhjes natyrore”. Teoria e Darwin, argumenton se organizmat gradualisht evoluojnë, nëpërmjet një procesi që ai e quajti “seleksionim natyror”. Libri i tij, u përshëndet me shumë interes në botën shkencore, por u sulmua nga udhëheqësit fetarë, lidhur me kontradiktat që nxirrte në pah në raport me historinë biblike të krijimit të botës dhe njeriut.
2 Nëntor 1919 – Presidenti i Shteteve të Bashkuara, Woodrow Wilson, pëson vuan një goditje celebrale që e lë atë pjesërisht të paralizuar në anën e majtë, dhe që efektivisht i dha fund karrierës së tij presidenciale. Në atë kohë, Wilson ishte angazhuar energjikisht në një përpjekje të fundit për të fituar mbështetjen e publikut për Traktatin e Versajës, dhe vizionin e tij të një bashkëpunimi ndërkombëtar nëpërmjet Lidhjes së Kombeve, pas shkatërrimeve që mbolli Lufta e Parë Botërore.
2 Nëntor 2006 – Charles Roberts, një shofer kamioni nga një qytet aty pranë, hyn në Amish School West Mines Nickel Mines në Pensilvani të SHBA-së, dhe pasi merr për pak kohë peng nxënësit, qëllon për vdekje 5 vajza dhe plagos 5 nxënës të tjerë para se ta kthejë armën nga vetja dhe kryejë vetëvrasje. Përpara krimit, Roberts foli shkurtimisht në telefon me gruan e tij, duke i thënë se ishte i mërzitur me Zotin për vdekjen e vajzës së tij të vogël në vitin 1997.
Ai i tha gjithashtu asaj se kishte ngacmuar seksualisht dy vajza të vogla 20 vjet më pare, dhe se fantazonte sërish për të ngacmuar fëmijët. Komuniteti Amish, njihet për përkushtimin e tij fetar, nga veshjet tradicionale tek shmangia e disa pajisjeve moderne. Dhjetë ditë pas ksaj tragjedie, shkolla u shkatërrua dhe një tjetër u ndërtua aty pranë.
2 Nëntor 1964 – Faisal bin Abdulaziz Al Saud, merr drejtimin e qeverisë në Arabisë Saudite nëpërmjet një grushti shteti, ndërsa gjysmë vëllai i tij, Mbreti Saud, ndodhej jashtë vendit për arsye shëndetësore.
2 Nëntor – Një valë baticash në Detin e Veriut, shkatërron muret bregdetare mbrojtëse nga Holanda në Jutlandë. Më shumë se 1.000 njerëz gjejnë vdekjen.
2 Nëntor 1789 – Pronat e kishës në Francë, konsfiskohen nga shteti.
2 Nëntor 1795 – Krijohet Direktorati Francez, një qeveri revolucionare e përbërë nga 5 anëtarë.
2 Nëntor 1912 – Bullgaria mposht Perandorinë Osmane në Betejën e Lule Burgas, beteja më e përgjakshme e Luftës së Parë Ballkanike.
2 Nëntor 1921 – Margaret Sanger dhe Mary Ware Dennett, formojnë Lidhjen Amerikane të Kontrollit të Lindjeve.
2 Nëntor 1963 – Presidenti i Vietnamit të Jugut, Ngo Dinh Diem, vritet gjatë një grushti ushtarak.
2 Nëntor 1966 – Në SHBA hyn në fuqi Cuban Adjustment Act, duke i lejuar 123 mijëve emigrantëve kubanë të aplikojnë për qëndrim të përhershëm në Shtetet e Bashkuara.
Përshtati për Tirana Today, Alket Goce
