Ish-kryeministri Sali Berisha, kreu i PD-së Lulzim Basha dhe kryetarja e LSI-së Monika Kryemadhi ka qënë të pranishëm në qytetin verior të Tropojës, aty ku sot u ngrit shtatorja e heroit të demokracisë Azem Hajdari.
Kryedemokrati Lulzim Basha e ka quajtur një ditë të madhe për Tropojë dhe vendin, pasi ditën e sotme ngrihet shtatorja e heroit të demokracisë, Azem Hajdarit
Në fjalën e shkruar mbajtur në këtë ceremoni, pasi përshëndetjes nga ana e kryetarit të Bashkisë së Tropojës, Basha ka çmuar veprën e pavdekshme të Azem Hajdarit për demokracinë shqiptare.
‘Kam ardhur me gëzim dhe dëshirë të madhe në këtë festë të bukur, kthimin e Azem Hajdarit në Tropojën e tij të shtrenjtë. Këto male janë plot me heroizëm dhe lavdi. Azem Hajdari ju përket ju, i përket Tropojës dhe ju jeni krenar për birin tuaj. Sa më shumë shkon koha, Azem Hajdarit i detyrohemi shumë për çka bëri për lirinë e gjithëve ne”- tha Basha gjate fjales se tij.
Sipas tij, kjo qe ngrihet sot është vetëm njëra prej përmendoreve që ngrihen për të.
“Në fakt përmendoren më të madhe, Azem Hajdari e ka në mendjet dhe zemrat tona. Ai vazhdon të na ndriçojë rrugën. Në mendjen dhe zemrat time, të mbarë rinisë shqiptare, kujtimi i Azem Hajdarit na shërben të kujtojmë se liria është gjëja më e çmuar në jetë. Tropoja sot është shumë e bukur me përmendoren e Azem Hajdarit”- tha Basha.
