Një shpërthim në Kiev la të vdekur një truprojë dhe plagosi tre persona, duke përfshirë deputetin Ihor Mosiychuk.
Mosiychuk, anëtar i partisë radikale opozitare, është shtruar menjëherë në spital dhe ndodhët jashtë rrezikut për jetën, pasi automjeti i tij shpërtheu të mërkurën, shpërthim ky që është cilësuar si një atentat.
Sipas autoriteteve, automjetit i është vendosur lëndë eksplozive dhe dyshohet se ka shpërthyer në ecje, ku si pasojë kanë mbetur të plagosur deputeti ukrainas Ihor Mosiychuk dhe analisti politik Vitali Bala, ndërsa ka ndërruar jetë shoferi.
Të plagosurit janë dërguar në spital për ndihmën mjekësore. Autoritetet kanë nisur hetimet për zbardhjen e plotë të shkaqeve dhe motiveve të ngjarjes.
