FSHF ka bërë publik kalendarin e javës së 8 që do të zhvillohen në kategorinë Superiore. Bie në sy se edhe kjo javë do të zhvillohet në tre dit. Ku ditën e shtunë do të ketë dy sfida mjaft interesante, në orën 14:00, Lushnja pret Teutën, të dyja ekipet janë duke kaluar një formë mjaft të dobët. Ndërsa në orën 17:00, Skënderbeu do të presë në Korçë, Luftëtarin që ka ndryshuar trajnerë dhe pritet të jenë më të rrezikshëm.
Ditën e diel me fillim në 14:00, Kukësi që po ecën me hapin për të kapur vendin e parë, do të presë në “Zeqir Ymeri”, Vllazninë e shumë problemeve. Kuksianët do të kenë përballë atë që u bëri të mundur ngritjen e trofeut një vit më parë, Ernest Gjokën që ka marrë drejtimin e Vllaznisë. Mjaft interesante do të jetë edhe sfida e orës 17:00 në “Selman Stermasi”, mes Partizanit dhe Flamurtarit. Të kuqtë e teknikut Iuliano janë duke kaluar një formë mjaft të mirë dhe do të kërkojnë fitoren e radhës, ndërsa vlonjatët do të luajnë fort për të treguar se janë një ekip i fortë.
Është lenë një sfidë edhe për ditën e hënë, ajo mes Laçit dhe Kamzës që do të zhvillohet në orën 14:00. Laçi si çdo vit do të kërkojë të marrë pjesë në kupat e Europës dhe sfidat me ekipet e reja në Superligë nuk duhet ti tolerojë, ndërsa Kamza ka qenë surpriza e këtij viti dhe pritet që të luftojë fort për tu kthyer rek fitorja.
