Disfata e fundit ndaj Tottenham ka sjellë lëkundje në pozicionin e Jurgen Klopp nga trajner i Liverpool. Menjëherë pas përfundimit të ndeshjes mediat angleze kanë shkruar se epokës së Klopp në “Anfield” po i vjen fundi. Probleme të mëdha janë hasur në mbrojtje, aty ku tekniku gjerman në fillim të kampionatit është shprehur se kemi një mbrojtje të konsoliduar. Por e kundërta po shfaqet në fushën e lojës, e sidomos përballë Tottenham që mund të themi që ishte katastrofë dhe nuk arriti asnjëherë të kombinohet si duhet. Pretendenti kryesorë për të marrë pankinën e Liverpool duket se është Ish-trajneri i Bayern Munchen, italiani Carlo Ancelotti.
Tek Everton gjërat nuk janë duke shkuar aspak mirë dhe ata janë të pozicionuar në vendin e 18 me 8 pikë, pasi janë zhvilluar 9 ndeshje. Në këtë pozite kishte vite që nuk e shihte veten ekipi i Everton dhe për këtë gjë përgjegjësia duhet të bjeri diku. I sakrifikuari duket se do të jetë trajneri holandez, Robert Koeman. Pas disfatës në Europa League përballë Lacios dhe asaj të ditës së sotme ndaj Arsenal, të dyja ndeshje të luajtura në shtëpi, duket se durimit të bordit drejtues po i vjen fundi. Shumë shpejt pritet ti vendosen disa kushte, që duhen plotësuar në një afat të shkurtër kohorë, ose mund të ketë edhe një shkarkim të menjëhershëm.
Por ky revolucion në Premier League nuk mbaron me dy emra. West Ham është ekipi tjetër që i ka vendosur kushte trajnerit kroat Slaven Bilic, nis ekipi nuk fiton dy ndeshjet e radhës atëherë ai duhet të lëshojë vendin e trajnerit. West Ham ka grumbulluar vetëm 8 pikë në nëntë ndeshjet që janë zhvilluar deri tani. Dy ndeshjet e radhës ata do ti zhvillojnë me Tottenham në Kupën e Anglisë dhe Crystal Palace në kampionat. Duket e pamundur që të fitohen të dyja sfidat duke parë formën e jashtëzakonshme që është duke kaluar formacioni i Pochettinos. Ndoshta Bilic do të jetë shkarkimi i parë në këtë edicion të Premier League. /Tirana Today/
