Champions League/ Ja supersfidat e javës së tretë

Të martën do të zbresin në fushë ekipet më të mira të kampionateve evropiane, për të na dhuruar spektaklin e javës së tretë të fazës në grupe, të Champions League. Përballje mjaft interesante dhe mjaft të rëndësishme do të sjellë kjo javë, pasi mund të vendosen fatet e disa skuadrave.

Dortmund do të kërkojë me çdo kusht fitoren e parë në APOEL, pas dy disfatave të para përballë Real Madrid dhe Tottenham. Duke përfituar nga përballja e këtyre të fundit të cilat do të luftojnë për të vendosur se cili do të jetë kreu i grupit. Disfata e njërit ekip ngjall shpresë për Dortmund, që të arrijë vendin e dytë. Madrilenët kërkojnë të vazhdojnë suksesin në Champions, pasi janë kampionët në fuqi dhe duan ta mbrojnë titullin. Tottenham e Pochettinos do të hidhet me të gjitha forcat dhe me shpresën se Harry Kane do të jetë në ditën e tij më të mirë dhe të marrin kryesim për të sjellë pak qetësi në ekip.

Supersfidë do të zhvillohet edhe në “Etihad Stadium”, ku cityzen do të presin të pamposhturit e Napolit në 8 ndeshje të zhvilluara në Serie A. Kjo sfidë premton spektakël pasi të dyja ekipet kanë treguar në këto ndeshje që luajnë ndoshta futbollin më të mirë në Europë. Manchester City kryeson grupin me pikë të plota, ndërsa Napoli ka vetëm 3 pikë pasi u mposhtën nga Shaktar në ndeshjen e parë.

Liverpool i Klopp do të udhëtojë drejt Sllovenisë, për tu përballur me Maribor . Anglezët kanë marrë vetëm dy barazime në ndeshjet e para dhe kërkojnë tre pikët e para, për të rivalizuar Sevilian që mbanë vendin e parë. Ndërsa këta të fundit do të udhëtojnë drejt Moskës për tu përballu me Spartakun. Llogari të hapura në këtë grup ku të gjitha ekipet me një fitore marrin një pozicionim mjaft të mirë.

Monaco që ka bërë një paraqitje zhgënjyese në dy sfidat e para kërkon të bëjë kthesën në fushën e vet, me kryesuesit e Besiktas. Francezët kanë vetëm një pikë dhe një gabim tjetër do ti veniste shpresat për të ecur më tej. Edhe gjermanët e Leipzig e kanë nisur mjaft keq ku ka një barazim me Monaco dhe një humbje nga Besiktas. Tani gjermanët do të kenë përballë Porton dhe do të kërkojnë të hyjnë në garë për kualifikim më tej dhe këtë mund ta bëjnë vetëm nëse mposhtin portugezët nesër në mbrëmje. Duket se ky grup do të luftohet fort deri në fund për të vendosur se kush do të vazhdojë përtej fazës së grupeve.