Google ka vendosur të dhurojë një miliard dollarë për të ndryshuar të ardhmen e punësimit. Kompania është zotuar të japë fonde gjatë pesë viteve të ardhshme përmes granteve për organizatat që kanë si objektiv trajnimet profesionale dhe krijimin e mundësive të reja. Një miliardë dollarë do të jepen si grante për organizatat jo fitimprurëse në mbarë botën, të specializuara për trajnimin e boshllëqeve që lë arsimi në fushën e teknologjisë. Është iniciativa më e madhe që Google ka bërë deri tani.
Google gjithashtu po lançon një program të ri të quajtur “Rritu me Google” që synon t’i japë njerëzve aksesin për trajnimin falas në vende të ndryshme të SHBA-së.
Si pjesë e kësaj sipërmarrje, Google e ka nisur donacionin e tij më të madh me 10 milion dollarë për trajnimet digjitale në Goodwill, SHBA.
“Ne e pranojmë se SHBA nuk të ofron shumë mundësi”, tha Sundar Pichai të enjten në një aktivitet në Pitsburg ku prezantoi edhe iniciativën.
“Ka shumë boshllëqe të paplotësuara. Formati i punësimit po ndryshon rrënjësisht dhe kjo po ndryshon raportet mes arsimit, trajnimeve dhe mundësive të reja”. (TIRANA TODAY)
