Një krim i rëndë brenda familjes ka tronditur mesditën e kësaj të shtune qytetin e Shkodrës. Raportohet se xhaxhai Bujar Kuçi, për arsye ende të panjohura, ka qëlluar me thikë, duke i shkaktuar vdekjen nipit të tij, Mirsad Kuçi.
Nga të dhënat e para të policisë thuhet se ngjarja ka ndodhur në afërsi të teatrit “Migjeni”.
Forca të shumta policie kanë mbërritur në vendngjarje dhe po hetohet për të zbardhur shkaqet e këtij krimi të rëndë.
NJOFTIMI I POLICISE
Më datë 23.09.2017, rreth orës 15:50, ka ardhur nje telefonatë në sallën operative se në lagjen Vojo Kushi, Shkodër në afërsi të teatrit “Migjeni” pas një konflikti familjar, xhaxhai ka goditur me mjet prerës nipin i tij.
Menjëherë kanë shkuar shërbimet e Policisë ku kanë konstatuar se shtetasi Bujar Kuçi, vjeç 62, ka goditur me mjet prerës (thikë) shtetasin M. K. vjeç 33, i cili si pasojë e plagëve të marra ka gjetur vdekjen.
Falë veprimeve të shpejta të Policisë është bërë e mundur kapja dhe arrestimi në flagrancë i autorit.
Po kryhen veprimet me grup hetimor për sqarimin e rrethanave të ngjarjes.
