Filmi “Memory” me regjisor Ilirjan Himaj, është përzgjedhur për të konkurruar zyrtarisht në edicionin e 31-të të “Edmonton International Film Festival”, i cili do të mbahet nga 28 shtator deri më 7 tetor dhe njëherësh është njëri ndër festivalet kualifikuese për ceremoninë Oscars.
Filmi do të shfaqet më 4 tetor si premierë kanadeze, ndërsa premierën botërore e pati dhënë në edicionin e 65-të të “Columbus International Film + Video Festival”, në Ohio të SHBA-së, i cili njëherësh është edhe festivali më i vjetër i filmit në Shtetet e Bashkuara të Amerikës.
Filmi i metrazhit të shkurtër “Memory” ka qenë gjithashtu pjesë i edicionit të 50-të të “Humboldt International Film Festival” në Kaliforni, ku dhe është shpërblyer me dy çmime kryesore të festivalit, “Best of Narrative” dhe “Best of Fest Overall”.
Filmi i Himajt, flet për plakun Sylë, i cili del nga shtëpia dhe si pasojë e sëmundjes së alzheimerit nuk arrin të gjejë rrugën e kthimit për në shtëpi.
Producent i këtij filmi është Agron Shala dhe Latif Hasolli, ndërsa drejtor fotografie është Latif Hasolli.
