Sulmuesi i Everton, Wayne Rooney ka pranuar akuzën për drejtim të mjetit në gjendje të dehur.
Ai u shfaq sot në Gjykatën e Magjistraturës “Stockport”, duke e pranuar fajin e tij, për t’u njohur më pas me masën e trupit gjykues.
31-vjeçari u arrestua nga policia në Wilmslow, në Cheshire më 1 shtator pasi u kap duke ngarë automjetin në gjendje të dehur.
Gjykata e njohu lojtarin me masën e dënimit, duke i pezulluar lejen e drejtimit për dy vite, ndërkohë që është i detyruar të punojë 100 orë në shërbim të komunitetit.
Mediet britanike shkruajnë gjithashtu se Rooney do të dënohet edhe nga Evertoni me 300 mijë paund gjobë.
