Pas fitores mbresëlënëse 4-0 ndaj Holandës, Franca nuk shkoi më shumë se një barazim befasues pa gola në shtëpi ndaj Luksemburgut në sfidën e vlefshme për javën e 8 të Grupit A në eliminatoret e botërorit. Pavarësisht një sulmi të jashtëzakonshëm me Mbape dhe Grizman, “gjelat” hasen në rezistencën e kundërshtarit ndërsa tashme rrezikojnë shumë për kualifikimin edhe pse janë në vend të parë. Skuadra e Deshamp kryeson me 17 pikë, por tashmë një më shumë se Suedia, e cila nga ana e saj fitoi në Bjellorusi me rezultatin e thellë 4-0.
https://www.youtube.com/watch?v=6Bv8MSvzAII
Ndërkohe shpreson edhe Holanda, e cila tashme është ne kuotën e 13 pikeve pas fitores 3-1 ndaj Bullgarisë. Belgjika është skuadra e parë europiane që pret biletën për në botërorin e Rusisë.
https://www.youtube.com/watch?v=mxwQNxO2ZYY
“Djajtë e kuq” fituan 2-1 ne Greqi, duke u ngjitur ne kuotën e 22 pikëve ne Grupin H. Të tre golat u shënuan në pjesen e dytë në harkun kohor të 4 minutave.
Fillimisht Vertongen në minutën e 70 kaloi në avantazh Belgjikën, por tre minuta me vonë Zeka ktheu gjithçka në baraspeshe.
Gjithsesi ky rezultat zgjati vetëm një minutë pasi Lukaku kaloi përsëri në avantazh Belgjikën, duke i dhënë skuadrës edhe fitoren e 7 në këto eliminatore.
https://www.youtube.com/watch?v=iulukbCYCTA
Në takimin tjetër të këtij grupi, Bosnja rimori vendin e dytë pas fitores 4-0 në Gjibraltar me gola të Edin Xheko dopietë Kodro dhe Lulic. Zvicra dhe Portugalia arritën fitoret e radhës në Grupin B me të parët në një diferencë prej 3 pikesh në vend të parë ndaj luzitanëve, ndërsa përballja direkte në tetor do të përcaktojë kush do të kualifikohet direkt në botëror e kush do t’i drejtohet play-off-it.
Zvicra fitoi në fushën e Lituanisë 3-0 me Seferovic që zhbllokoi shifrat që në minutën e 9. Por protagonist i mbrëmjes ishte Xhemaili, i cili humbi një penallti në pjesën e parë përpara se të shlyente gabimin në minutën e 55 me një super gol. Tre minuta më vonë Rodrigues nga pika e bardhë vulosi shifrat 3-0.
https://www.youtube.com/watch?v=1MZU9PE_y20
Në Budapest, skuadra e Kristiano Ronaldos fitoi me vështirësi 1-0 edhe pse vendasit luajtën për rreth një ore me një lojtarë më pak pas kartonit të kuq të marre nga Priskin. Goli i vetem për portugezet u shënua me fillimin e pjesës së dytë nga Andre Silva.
