Fadil Kasemi ka dalë para togave të zeza të gjykatës së Krimeve të Rënda, të cilat kanë vendosur masën “arrest me burg” ndaj tij.
Ajo që ka rënë në sy është qetësia e vrasësit të ish-bashkëshortit të gjyqtares së ndjerë, si dhe mosshfaqja e pendesës së tij.
Teksa ka dhënë gjeneralitetet, Kasemi ka pranuar krimin, por nuk ka folur duke zgjedhur të mos japë asnjë detaj më shumë rreth motivit të krimit.
“S’kisha ndërmend të arratisesha”, janë këto fjalët e vetme të Kasemit para trupit gjykues teksa ka pranuar krimin.
Mësohet se familjarët e tij kanë qenë jashtë gjykatës dhe nuk janë futur në seancë.
Organi i akuzës dërgoi mesditën e djeshme në gjykatë kërkesën për caktimin e masës së sigurisë “arrest me burg” për shtetasin Fadil Kasemi, i cili akuzohet për kryerjen e veprave penale “vrasje për shkak të marrëdhënieve familjare”, “armëmbajtje pa leje” dhe “rrëmbim personi”.
