Shirat e dendur kanë shkaktuar një bllokim të qarkullimit në aksin rrugor Orikum-Dukat në Vlorë për shkak të rrëshqitjes së dherave.
Qytetarët kanë raportuar pranë Tirana Today këtë problem, i cili vijon prej orëve të para të mëngjesit.
Aktualisht mësohet se po punohet me dy eskavatorë për hapjen e rrugës dhe heqjen e dheut, por duket se situata vijon të jetë problematike duke krijuar një radhë makinash që shkon deri në 3 kilometra.
Qytetarët kanë dërguar fotot e mëposhtme në redaksinë tonë, ndërsa shprehen se janë të shqetësuar nga pritja e gjatë.
