Pas përfundimit të Euro 2016, Herolind Shala la Shqipërinë për t’iu bashkuar përfaqësueses së Kosovës. Shala synonte të bëhej lider i Kombëtares së Kosovës, por gjërat nuk shkuan ashtu siç ai donte.
Dy vitet e fundit, lojtari nuk ka parë momente të mira në karrierën e tij. Në 2015-ën, ai kishte firmosur me Spartën e Pragës, por nuk shfaqi asnjëherë potencialin e tij aty, e as në huazim te Slovan Liberec në Republikën Çeke apo Kasimpasha në Turqi. Me këtë të fundit, ai luajti vetëm 10 ndeshje gjatë sezonit 2016-2017 e si rrjedhojë, humbi edhe vendin në formacionin e Kosovës ku trajneri Bunjaki e cilësonte lojtar thelbësor, shkruan Panorama.
Sot, lojtari Shala ka zyrtarizuar përfundimin e kontratës me Spartën e Pragës, duke ulur disi pretendimet në mënyrë që të fillojë përsëri të luajë rregullisht.
Nëpërmjet një njoftimi në rrjetet sociale, ai ka konfirmuar se është bërë pjesë e klubit të Ljungbi në Danimarkë, ku pritet të ndihmojë këtë skuadër të synojë një vend në Kupat e Europës në sezonin e ardhshëm.
