Një 59-vjeçar, i dënuar me burgim të përjetshëm në Shqipëri, është arrestuar në shtetin grek.
Në pranga ka rënë shtetasi Xhemal Dule, i cili ishte dënuar me burgim të përjetshëm në vitin 2000 për një vrasje të kryer në Vlorë.
Ai ishte shpallur në kërkim ndërkombëtar, pasi ishte dënuar për veprën penale “Vrasje me paramendim, e kryer në bashkëpunim” dhe “Mbajtja pa leje e armëve luftarake” parashikuar nga nenet 78-22 e 278/2 të Kodit Penal.
Arrestimi i Dules u bë para 4 ditësh, më 28 gusht në bashkëpunim të Interpol Athina me Interpol Tirana.
Përmbledhje e ngjarjes së ndodhur:
Në datë 11.01.1998, rreth orës 19.00 në lagjen “Partizani”, Vlorë, pas një konflikti për motive të dobëta, shtetasi Xhemal DULE, në bashkëpunim me djalin e tij F. Dule kanë vrarë me armë zjarri automatik shtetasin E.B.
Arrestimi i tij në Athinë, Greqi u bë me qëllim ekstradimi drejt vendit tonë.
