Si të jepni ndihmën e parë në rastin e atakeve kardiake

Nëse ju dyshoni se ju keni atak ose që dikush tjetër po pëson atak, telefononi menjëherë ambulancën. Sa më shpejt që të trajtohet ataku në spital, aq më i shpejtë do të jetë edhe shërimi për personin. Vonesat mund të rrisin dëmtimin e trurit.

Shenjat e atakut përfshijnë:

Dobësi, paralizë (paaftësi për të lëvizur), ose ngrirje të fytyrës, veçanërisht në një anë të trupit;

Vizion (shikim) që menjëherë bëhet i turbullt ose reduktohet;

Vështirësi të menjëhershme gëlltitjeje;

Një rënie të pashpjegueshme ose humbje balance;

Një dhimbje të menjëhershme e të fortë koke ose një dhimbje koke pa asnjë shkak të njohur;

Përgjumje, konfuzion ose mungesë koshience.

Rekomandohet ndjekja e rregullit DRSABCD (shkurtime të termave nga anglishtja) në çdo rast emergjence. Ndihmon për të përcaktuar nëse ndonjë njeri ka një gjendje jetë-kërcënuese dhe se çfarë ndihme e parë është e nevojshme.

D — kontrolloni për rrezik

Ndaj jush;

Ndaj të tjerëve;

Ndaj personit të prekur.

R — kontrolloni për përgjigje

Pyetini personit emrin e tij. Nëse dikush përjeton një atak, mund të mos jenë në gjendje për të folur, kështu që merrni duart e tyre dhe kërkojini atyre që t’i shtrëngojnë, ato mund të përgjigjen duke shtrënguar një nga duart tuaja.

A përgjigjet personi? Nëse përgjigjet, atëherë personi është i vetëdijshëm. Nëse personi nuk përgjigjet, ka shumë mundësi që të jetë pa ndjenja/i pa vetëdijshëm.

S — Dërgojeni për ndihmë

Merrni menjëherë ambulancën dhe kërkoni ndihmë.

A — kontrolloni Rrugët e frymëmarrjes

A janë të hapura rrugët e frymëmarrjes?

Hapni gojën dhe kontrolloni që pjesa e sipërme që është e dukshme është e pastër nga çdo material i huaj.

Nëse rrugët e frymëmarrjes nuk janë të qarta, kthejeni personin në pozicionin e shërimit.

Përkuluni përpara personit;

Vendosni krahët e tyre të kryqëzuara pranë kraharorit;

Përkulni këmbën e tyre më të afërt në mënyrë që gjuri të afrohet pranë barkut dhe këmba tjetër të qëndrojë e shtrirë;

Mbështesni mirë kokën dhe qafën.

B — kontrolloni për frymëmarrjen

Mënjanoni kokën pak pas duke larguar mjekrën e personit.

Shikoni – a është kraharori i personit duke u ngritur dhe ulur?

Dëgjoni – a mundeni ju të dëgjoni frymëmarrjen e personit?

Ndjeni – a mundeni ju të ndjeni frymëmarrjen e tyre në kraharor?

Nëse personi nuk është duke marrë frymë, procedoni me hapin tjetër: filloni me reanimimin kardio-pulmonar (CPR). Nëse personi po merr frymë ndiqni hapat më poshtë ndërkohë që po prisni për ndihmë.

C — jepi CPR

Kthejeni personi me shpinë;

Përkuluni përpara personit dhe bëni 30 kompresion-e në kraharor. Përdorni të dy duart;

Më pas përkuleni kokën pas dhe bëni frymëmarrjen gojë më gojë;

Bëni alternimin ndërmjet 30 kompresioneve dhe frymëmarrjes gojë më gojë, derisa personi të shfaqë shenja jete ose ndihma mjekësore të vijë.

D — Defibrilatori

Nëse personi nuk përgjigjet ndaj CPR-së, aplikoni defribilator-in (nëse është i pranishëm).

Ndërkohë që presim për ndihmë

Nëse personi është i vetëdijshëm:

Shtrijeni personin;

Lëreni që të qëndrojë në një temperaturë të rehatshme;

Hiqini çfarëdolloj rrobe që është e ngushtë;