Kreu i ALUIZNI-t, Artan Lamë ka dalë sot në një konferencë për shtyp, ku ka njoftuar se institucioni që ai drejton do të futet në një proces riformatimi dhe rikonkurrimi për të gjithë punonjësit e vet, duke filluar nga specialist më i thjeshtë i administratës së këtij institucioni e deri te drejtorët rajonal.
Ai e cilësoi këtë një proces të nevojshëm pas 4 vitesh punë, teksa tha:
“Ky është një proces i nevojshëm pas katër vjetësh pune të qindra djemve dhe vajzave që trokitën në mbi 306 mijë familje shqiptarë. Por sikurse kemi parë edhe nga takimet e hapura ka pasur edhe problematika.
Ndaj, shumë shpejt do të hapen procedurat e konkurrimit për të gjithë ata të rinj e të reja që duan të konkurrojnë dhe përmbushin kushtet profesionale për të qenë pjesë e ALUIZNI-t.
Dyert e institucionit i deklaroj të hapura për procedurën e konkurrimit dhe për të aplikuar të gjithë”.
