Presidenti amerikan, Donald Trump përmes një postimi në “Twitter” tha se terrorizmi islamik radikal duhet të ndalohet me çdolloj mjeti të nevojshëm.
“Terrorizmi islamik radikal duhet të ndalohet me çdolloj mjeti të nevojshëm! Gjykatat duhet të na kthejnë të drejtat mbrojtëse. Duhet të jemi të fortë!”, shkruan Trump.
Ky mesazh vjen një ditë pas sulmeve të përgjakshme në Katalonjë që kanë shkaktuar vdekjen e të paktën 14 personave dhe rreth 100 të plagosur, në veçanti në Barcelonë ku një kamionçinë përplasi dhjetëra kalimtarë.
Grupi xhihadist Shteti Islamik (ISIS) ka marrë përsipër sulmet.
Presidenti amerikan premtoi ndihmën e SHBA-së për autoritetet spanjolle, duke dënuar sulmet e përgjakshme.
