Personi që shihni në foto është Beniamin Ferhati, heroi që hyri në det për të shpëtuar dy motra që po mbyteshin, por fatkeqësisht nuk mundi t’u mbijetojë dallgëve të forta.
Ngjarja ka ndodhur dje në Vlorë, në plazhin e Zvërnecit, ku 24-vjeçari po kalonte pushimet bashkë me të fejuarën.
Një vajzë ka thirrur për ndihmë teksa ka parë vajzat që po mbyteshin, ndërsa Beniamini ka hyrë në det pa u menduar dy herë, ku fatkeqësisht ka gjetur vdekjen.
Benjamini shkoi të ndihmojë Manuela Maraj, 27 vjeçe, banuese në Babicë të Madhe, Vlorë dhe Xhoana Cani, 25 vjeçe, banuese në Tiranë, por nuk mundi dot të shpëtojë dy vajzat, duke u mbytur edhe vetë.
E fejuara e Beniaminit ka kaluar orë të tmerrshme, pasi mori vesh lajmin e kobshëm dhe është transportuar në gjendje shoku në spitalin e Vlorës.
Mediat raportojnë se Benjamini ka edhe një vëlla më të madh dhe si familje punojnë në Srebrenicë të Bosnjës.
Mungesa e rojeve në bregdetin shqiptar është një problem mjaft shqetësues, teksa çdo ditë raportohet për humbje jetësh në plazhe.
