Pamja e jashtme është një nga elementët më të rëndësishëm të jetës dhe është anë e fortë e personalitetit të individit. Por ditët e ngarkuara shpesh nuk na lejojnë ti kushtojmë trupit kohën e duhur fizike, dhe përfundojmë duke e lënë veten pas dore. Sigurisht që gjatë sezonit të verës gjithsecili prej nesh kërkon të duket sa më bukur për të shijuar pushimet dhe rrezet e diellit, dhe më poshtë po ju tregojmë disa ushtrime që në vetëm 20 minuta në ditë do t’ju bëjnë të forconi tri pika kritike të trupit: barkun, vithet dhe duart.
Ushtrime për barkun
Mbështetuni në anën e majtë dhe në dorën e majtë. Midis këmbëve vendosni një top të vogël. Këmbët vendosini në pozitë pjerrtas në drejtim të trupit dhe pastaj ngrini deri në mbështetëse. Me këtë rast nuk është me rëndësi që t’i ngrini sa më lart, por vetëm aq sa ju lejon trupi që të mos rrëzoheni në shpinë. Shpina patjetër duhet të jetë në pozitë të rrafshët, ndërkaq topi të jetë midis këmbëve. Serinë prej tetë përsëritjeve bëjeni edhe tri herë.
Ushtrime për vithet
Shtrihuni në shpinë, lakoni këmbët dhe rrafshoni duart. Me njërën këmbë të ngritur ngrini trupin, duke mos e lakuar shpinën. Pas tetë përsëritjeve me njërën dhe këmbën tjetër, bëni një pushim. Preferohet t’i bëni tri seri përsëritjesh.
Ushtrime për krahët
Ushtrimi më i efektshëm për tricepse është shumë e ngjashme me “pompat e ngushta”. Mbështetuni në gjunjë dhe në shuplaka dhe me shpinë të rrafshët lëshohuni në drejtim dyshemesë, me ç’rast nuk është me rëndësi që të uleni deri në dysheme. Para së gjithash, duhet patjetër të kini kujdes që bërrylat të jenë afër trupit. Serinë prej 8 përsëritjeve bëjeni tri herë.
