Shqipëria është perla e re e fshehur e turizmit evropian. Sipas ministres shqiptare të Turizmit, Milva Ekonomi, sektori i turizmit në vend ka përjetuar një bum të vërtetë gjatë vitit 2016: +15 për qind gjatë vitit të shkuar, e cila e përkthyer në shifra është 4.3 milionë turistë.
Dhe jo vetëm nga vendet fqinje: regjistrohen vizita edhe nga Gjermania, Rusia dhe Italia. E vendosur mes Greqisë, Maqedonisë, Kosovës dhe Malit të Zi, Shqipëria shtrihet buzë Mesdheut me plazhet e saj të gjera, në mes të deteve Adriatik dhe Jon. Deti i bukur, është sigurisht një nga pikat e forta të këtij vendi, kaq pak të njohur deri më sot. Ndër plazhet më të bukura që iu rekomandojmë janë:
Saranda
Në jug të Shqipërisë, ndodhet një plazh i gjatë me guralecë në qytetin me të njëjtin emër, në vijë ajrore përballë ishullin grek të Korfuzit. Deti është kristal i pastër, dhe plazhe plot me restorante dhe bare me produkte tipike vendase.
Ksamili
Ndodhet disa kilometra larg Sarandës. Plazhi gjendet përballë katër ishujve të vegjël, aq pranë njëri-tjetrit saqë mund të arrihen me not, sigurisht nëse keni dëshirë të bëni edhe pak sport! Mes ujërave pothuajse transparente dhe rërës së bardhë, ka edhe disa bare dhe restorante, ku ju mund të freskoheni dhe hani diçka.
Dhërmiu
Shtrihet në jug të Vlorës, ndër qytetet bregdetare të më të vjetra në Shqipëri, konkretisht gjatë vijës bregdetare mes Qafës së Llogorasë dhe qytetit të Sarandës. Dhërmiu është një plazh i gjatë me rërë të verdhë, i pajisur shumë mirë me bare, restorante dhe struktura hoteliere që japin dhoma, apartamente, vila dhe çadra me qira. Për më tepër, longomare ofron një nate interesante:ka klube dhe bare me bollëk.
Karaburuni
Plazhi është pjesë e Parkut Kombëtar Karaburun-Sazan, një rezervat që shtrihet për gati 2 kilometra. Në rast se deti i qartë dhe plot me shpella nënujore është i përkryer për zhytësit, brenda parkut ju do të gjeni rrënojat romake dhe relike të Luftës së Dytë Botërore.
Gjipeja
I fundit por jo më pak i rëndësishmi:ky vend është vërtetë spektakolar. Shkëmbinjtë e pjerrët bien thikë mbi plazhin ngjyrë ari, i lagur nga një det shumë i bukur. Gjipeja gjendet mes Vunoit dhe Ilias, dy fshatra të vegjël në jug, dhe është mjaft afër me plazhin e Dhërmiut.
Jo vetëm det
Shqipëria ofron gjithashtu disa vende me interes historik dhe arkeologjik. Duke filluar nga kryeqyteti, Tirana, ku duhen vizituar patjetër katedralja e Shën Palit, Kulla e Sahatit, Kalaja e Justinianit dhe kopshtet e mrrekullueshme botanike. Në Durrës, qyteti i dytë i Shqipërisë, nuk duhet humbur një vizitë në amfiteatrin më të madh në vend, si dhe kalaja e lashtë e Gjirokastrës, qendra e së cilës është shpallur pjesë e trashëgimisë botërore e mbrojtur nga UNESCO.
Zonat më interesante arkeologjike:
Butrinti
Gjendet pothuajse në kufi me Greqinë:këtu, përveç parkut me sitin arkeologjik ju mund të vizitoni muzeun, teatrin, tempullin e Asklipiut dhe disa mozaikë bizantinë. Tempulli i Artemisës me kolonat e tij imponuese gjendet ndërkohë në Apoloni, një qytet fillimisht grek dhe më pas romak.
Apolonia
Këtu qyteti antik është i vendosur në një kodër përballë lagunës së Darzezës, ndërmjet grykëderdhjeve të dy lumenjve:Semanit dhe Vjosës. 137 hektarë gjurmë të qytetërimeve greke, romake, bizantine dhe otomane, gjithçka e fshehur në mesin e dushqeve, ullishtave dhe hapësirave të mëdha të gjelbra. Pikërisht këtu ndodhen mbetjet e njërit prej tempujve më të bukur që i është dedikuar mitit të Artemisës.
Përshtati për Tirana Today, Alket Goce
