Të gjitha bizneset që paguajnë tatim fitim, ose siç njihen ndryshe bizneset mëdha, duhet të dorëzojnë deri më 31 korrik bilancet financiare të tyre.
Njoftimin e ka dhënë Qendra Kombëtare e Biznesit, e cila lajmëron se në rast se afati nuk zbatohet me korrektësi, atëherë do të ketë penalizime, pasi shoqërohet me kundërvajtjen administrative 15 mijë lekë.
Sipas njoftimi, QKB lajmëron se subjektet që janë regjistruar me përgjegjësi tatimore tatim fitimi, duhet të dorëzojnë pranë saj:
Pasqyrat financiare vjetore të skanuara ne format PDF,
Raportin e auditimit dhe ecurisë së veprimtarisë (kur mbajtja e tyre është e detyrueshme),
Vendimin për miratimin e pasqyrave financiare (sipas kërkesës ligjore)
MËNYRA E DEPOZITIMIT:
Depozitimi i dokumenteve mundësohet vetëm nëpërmjet aplikimi online në portalin qeveritar e-albania, duke ndjekur të gjitha hallkat e procedurës për kryerjen e aplikimit;
Formati elektronik i ruajtjes së pasqyrave financiare, duhet të jetë në PDF;
Individi i cili do të kryejë aplikimin, duhet të jetë i pajisur me kartë identiteti ose pasaportë biometrike;
Shërbimi ofrohet pa pagesë.
QKB sqaron se bëjnë përjashtim subjektet me administrator të huaj dhe shoqëritë e kursim kreditit, aplikimet e të cilëve do të vijojnë të kryhen në sportelet e shërbimit pranë QKB-së.
