Nëpërmjet një statusi në Twitter, Woods thotë se çdo gjë po shkon drejt normalitetit. Ai kishte krijuar varësi nga produktet farmaceutike, për dhimbjet që ndjente në pjesën e shpinës dhe tani ka arritur ta përfundojë me sukses periudhën e rehabilitimit.
Ai falënderon të gjithë miqtë e tij dhe të afërm që i qëndruan pranë në këto ditë të vështira, për të dhënë kurajë, për të ecur përpara. Ai shkruan se ndihet thellësisht mirënjohës të gjithëve këtyre personave.
Tiger Woods kishte kërkuar ndihmë profesionale, për të dalë nga situata ku ishte përfshirë. Më 29 Maj, 41-vjeçari u ndalua nga ana e policisë në Florida. Në momentin e parë u dyshua se ishte në gjendje të dehur, por pas testit të bërë, rezultoi negativ.
Ish-kampioni i golfit u justifikua se gjendja e pavetëdijshme vinte për shkak të konsumit të tepruar të produkteve farmeceutike. Duket se periudha e errët për Tiger Woods po mbaron.
