Temperaturat e larta dhe dielli i fortë ndikojnë drejtpërdrejt në lëkurën tuaj kur dilni jashtë. Prandaj, është e këshillueshme që të merrni masa paraprake dhe të mbroheni nga dielli sidomos në muajt e verës.
Megjithatë, pakujdesia sidomos në bregdet, bën që pushuesit të digjen nga rrezet ultravjollcë dëmtuese të diellit.
Këto djegie krijojnë dhimbje të madhe dhe mund të zgjasin më shumë se një javë, prandaj duhet një kujdes i veçantë që t’i minimizoni këto dhimbje.
Kështu, këshillohet që nëse jeni të djegur t’i shmagni plotësisht rrezet e diellit, pasi trupi përpiqet të shërohet, ndërsa ekspozimet ekstra në rrezet ultravjollcë vetëm sa i dëmtojnë qelizat tuaja dhe i vrasin ato, duke e zgjatur dhimbjen.
Një tjetër metodë është vendosja e leckave të pastra në frigorifer, të zhytura në qumësht, më pas të lyeni zonat ku jeni djegur nga dielli. Kjo mënyrë ka një efekt “ftohës” dhe e largon nxehtësinë në trup.
Edhe ekstraktet nga aloe vera ndihmojnë në zbutjen e dhimbjes.
