Luan Rama ka dalë në një konferencë për shtyp, pas përplasjes dhe dhunimit në Lezhë të militantit të LSI-së.
Rama ka bërë një deklaratë të ashpër, ku quan përgjegjës kryeministrin dhe drejtorin e Policisë së Shteti Haki Çako për çdo pikë gjaku të derdhur sot.
REAGIMI I LUAN RAMËS:
Jam këtu për të bërë të njohur faktin që një ngjarje e rëndë ka ndodhur në Lezhë,m Shëngjin ku një aktivist, anëtar i LSI është qëllua, plagosur nga 3 njerëz të armatosur në përbërje të një grupi të njohur kriminal të Rilindjes që prej ditësh vepron nën mbrojtjen e strukturave kriminale të policisë së shtetit në këtë qark. Qytetari i plagosur quhet Florian Dushku, ka qenë në punën e vet, në një aktivitet normal dhe është plagosur nga ata që Rilindja i ka fabrikuar, klonuar për t’i përdorur siç i përdori sot. Është rasti i 3 në Lezhë që aktivistë të LSI plagosen nga e njëjta bërthamë kriminale që vepron atje, nga njerëz të armatosur që në mes të ditës shkojnë pa patur asnjë pengesë me shërbimet e policisë.
Ky nuk është rasti i vetëm produkt i kësaj klime të inkriminuar prej investimit kriminal të Rilindjes dhe për çdo pikë gjaku të qytetarëve të pafajshëm të derdhur në Lezhë apo ndokund tjetër, përgjegjësia bie drejtpërdrejt mbi kryeministrin e Rilindjes Edi Rama dhe mbi drejtorin e Përgjithshëm të Policisë Haki Çako.
I bëj thirrje të gjithë qytetarëve të Lezhës dhe qytetareve shqiptarë të ruajnë qetësinë,t’i shmangin para që vijnë nga fushata e hashashit dhe me qetësi të votojnë kundër kësaj kaste.
Siç ndodhi edhe mbrëmë ku prej eksponentëve të rilindjes u plagos një komisionari LSI që u qëllua në kokë.
Asnjë kriminel, me post kryeministër apo pa post kryeministër nuk do i frikësojë dhe nuk do i ndalë shqiptarët të votojnë për dinjitetin e tyre kundër kësaj kaste kriminale.
