“Askush në Familjen Mbretërore nuk dëshiron të jetë mbret apo mbretëreshë”. Kjo është deklarata e habitshme e Princit Harry bërë gjatë një interviste për revistën amerikane, “Newsweek”.
Princi Harry gjithashtu foli për ecjen në funeralin e nënës së tij, princeshës Diana, atëherë 12 vjeç, duke thënë se “asnjë fëmije nuk duhet t’i kërkohet për ta bërë këtë”.
Në 1997, Harry u bashkua me të atin, Princi i Uellsit, gjyshin, Duka i Edinburgut, vëllanë 15-vjeçar, Duka i Kembrixhit dhe xhaxhanë Earl Spencer, në ceremoninë e funeralit nëpër rrugët e Londrës.
Harry, i cili kohët e fundit tha se kishte marrë këshillime për të përballuar vdekjen e nënës së tij në një aksident automobilistik në Paris, tha: “Nëna ime sapo kishte vdekur dhe unë kisha për të ecur shumë prapa arkivolit të saj, të rrethuar nga mijëra njerëz që më shikonin mua, ndërsa miliona më shumë në televizion.
“Unë mendoj se asnjë fëmije nuk duhet t’i kërkohet ta bëjë këtë, në asnjë rrethanë. Unë nuk mendoj se do të ndodhte sot”.
Princi gjithashtu foli për rolin që ai dhe vëllai i tij po marrin në atë që ai e quajti “modernizimin e monarkisë”.
“Nuk po e bëjmë këtë për vete, por për të mirën e njerëzve. A ka ndonjë prej familjes mbretërore që dëshiron të jetë mbret apo mbretëreshë? Nuk mendoj kështu, por ne do t’i kryejmë detyrat tona”
Ai gjithashtu falënderoi gjyshen e tij “të shquar” për tolerancën ndaj tyre si të rinj, për t’i bërë gjërat në mënyrën e vet.
“Mbretëresha ka qenë fantastike duke na lënë të zgjedhim,” thotë ai. “Ajo na thotë që të marrim kohën dhe të mendojmë me të vërtetë.”
