Diplomati rus, Vladimir Voronkov do të drejtojë Zyrën e Kombeve të Bashkuara të luftës kundër terrorizmit, emërimi i të cilit do të mundësojë koordinimin e përpjekjeve deri tani të shpërndara mes agjencive të ndryshme dhe departamenteve të OKB-së.
Sekretari i përgjithshëm i OKB-së, Antonio Guterres, tha gjatë një konference për shtyp se “Ne kemi një problem koordinimi të 38 entiteteve brenda OKB-së që merren me antiterrorizmin. Është logjike të kemi një zyrë të veçantë me një person përgjegjës”.
Me emërimin e Voronkov, i cili ka qenë ambasador në organizatat ndërkombëtare në Vjenë, Moska riforcon qëndrimin e saj brenda OKB-së ku diplomati do të ketë rëndësinë e zv/sekretarit të përgjithshëm.
Krijimi i zyrës së luftës të OKB-së kundër terrorizmit u miratua më 15 qershor nga Asambleja e përgjithshme.
