Kreu i LSI-së, Petrit Vasili ka folur në mitingun që po mbahet në sheshin “Nënë Tereza”, ku bëri thirrje për të lënë jashtë tepsinë dhe timonin. Gjithashtu, gjatë fjalës së tij, Vasili tha se LSI është forca politike që do kthejë mirëqenien, ndërsa kullat e shumta në sheshe ua lënë të tjerëve si dëshmi.
FJALA E VASILIT:
Është dita jonë e madhe, ky shesh nuk ka parë kurrë një festë kaq të madhe, të popullit që do të lirohet nga e keqja. Sot ne kthejmë përgjigjen e madhe me një plan të madh, ne kemi planin për Shqipërinë, i cili u kthen mirëqenien shqiptarëve, plani që ul taksat, sot është dita ta japim këtë përgjigje. Qindra mijëra të rinj presin 25 qershorin, ky është plani për një Shqipëri të mirë. Ky është plani që ndërton shtetin e dashur, jo shtetin që fut ne burg, shtetin e drogës që merr gjakun e pagave tuaja dhe që ua jep oligarkëve. Ne kemi një plan për të gjithë, kemi 4 kolona, kemi të rinjtë të parët, të tjerë kanë plehra. Vendi ka nevojë për autostrada zhvillimi, e vetmja zgjidhje për Shqipërinë është LSI-ja. Çdo njeri pret një fjalë të ngrohtë për lirinë, këtë plan mund ta japë vetëm LSI dhe ne do ia kthejmë dashurinë e munguar. Sot është dita të ndahemi nga një shtet i tillë, kemi një zgjidhje për oligarkinë, që është numri 1. Kjo është rruga që e transformon Shqipërinë, që ua hap derën bizneseve vendase. LSI ka një plan, të tjerët kanë tepsi. T’i themi jashtë tepsisë, jashtë timonit, kullat e shumta në sheshe tu mbetet atyre si dëshmi, tu japim të rinjve shansin! Nuk ka të drejtë njeri t’ua heqë këtë shans. Jo shans për një tepsi, jo shans për një oligarki.
Nuk ua merr dot njeri Shqipërinë të rinjve, ne kemi misionin t’ua kthejmë të rinjve Shqipërinë.
Ne jemi forcë e parë!/ Tirana Today
