Unioni i Gazetarëve Shqiptarë me anë të një deklarate për shtyp i kanë kërkuar Anëtarit të Këshillit të Lartë të Drejtësisë ,Gjin Gjonit, të zhvishet nga mundësia e ndikimit mbi gjykatësit që do gjykojnë mediet dhe gazetarët që ai ka paditur.
UGSH i ka kërkuar Gjonit dorëheqjen nga funksionet e larta drejtuese , duke e konsideruar këtë një mundësi të barazisë së tij me gazetarët si palë e akuzuar, në raport me proceset gjyqësore që ai ka hapur.
UGSH e konsideron këtë proces të emrit të përfolur prej kohësh në mediumet e vendit, si një përpjekje të dështuar qysh ne nisje të proceseve të hapura prej tij.
Në mbështetje të kësaj deklarate duket se është edhe ambasada e SHBA-ve në Tiranë, e cila ka shpërndarë këtë deklaratë në faqen zyrtare të saj.
Deklaratë e Unionit të Gazetarëve Shqiptarë
Zoti Gjoni para se të përballeni ne procese gjyqësore me gazetarët, zhvishuni nga mundësia e ndikimit mbi gjykatësit që do gjykojnë!
Unioni i Gazetarëve Shqiptare është i informuar rreth mësymjes gjyqësore që Anëtari i Këshillit të Lartë të Drejtësisë zoti Gjin Gjoni ka hapur ndaj disa gazetarëve dhe mediave respektive ku punojnë, në pretendime juridike për cënim të imazhit të tij si dhe disa argumenteve të pretenduara juridike.
UGSH e konsideron këtë proces të emrit të përfolur prej kohësh në mediumet e vendit, si një përpjekje të dështuar qysh ne nisje të proceseve të hapura prej tij.
UGSH duke mbetur në pritje të seancave dhe gjykimeve të pritshme, pa nisur ende ato, në emër të parimit te mos ndikimit për shkak të pozitës dhe për të evituar çdo nuancë intimidimi prej zotit Gjin Gjoni, i kërkon atij dorëheqjen nga funksionet e larta drejtuese , duke e konsideruar këtë një mundësi të barazisë së tij me gazetarët si palë e akuzuar, në raport me proceset gjyqësore që ai ka hapur.
UGSH deklaron mbështetjen e kolegëve në këtë përballje me një ndër eksponentët e lartë të sistemit aktual të gjyqësorit në vend.
Zyra e shtypit
Unioni i Gazetarëve Shqiptarë