Pas deklaratave të forta të ish-kreut të LSI, Ilir Meta, ka reaguar kreu i PS-së.
Në mënyrë konfidenciale, kryeministri Rama u ka dërguar një mesazh kandidatëve për deputetë të PS-së, ku i sugjeron të fokusohen te mesazhi i socialistëve gjatë fushatës, duke injoruar LSI-në.
Më poshtë mesazhi i Ramës:
Ju lutem nuk duhet të kemi më lajme për LSI-në!
E sotmja ishte një ditë për t’u dhënë të gjithëve mesazhin se LSI nuk ka më shanse të bëjë të tretin të vërtetin, në mënyrë që ju të gjithë ta përdorni këtë në fushatën mikro, me organizim kapilar për të kthyer njerëzit që rrinë me LSI për interes jo për bindje!
Në makro, pra në komunikimin publik duhet të fokusohemi tek mesazhi ynë dhe për reformën e administratës të themi, ne duam të bëjmë dhe duam të kemi mundësinë të zgjedhim më të mirët!
Kaq dhe fokusin tek vetingu, ekonomia, punësimi e me radhë në mesazhin tonë… Forca!
