Gjermania ka tërhequr trupat e saj nga baza ushtarake e Inxhirlikut, pas incidentit midis dy vendeve.
Në konferencën e përbashkët për shtyp me ministrin e Jashtëm turk, homologu i tij gjerman Sigmar Gabriel tha se nw situatën ku ndodhet Gjermania, nuk ka rrugw tjetër veccse tw twrheqw trupat nga baza ushtarake e Inxhirlikut.
“Unë sigurisht që ndihem i keqardhur nga kjo situatë. Turqia është një vend që ka lidhje të shumta me Gjermaninë. Turqia duhet të kuptojë se në këtë situatë ne kemi për të lëvizur ushtarë gjermanë nga Inxhirlik. Por, dislokimi i trupave gjermane në një tjetër vend nuk nënkupton përkeqësimin e marrëdhënieve”, deklaroi Gabriel.
Sakaq në lidhje me vizitën e deputetëve gjermanë në bazën ushtarake në Inxhirlik, ministri Çavusoglu tha: “Aktualisht baza ushtarake e Inxhirlikut nuk mund të vizitohet, por përfaqësuesit Gjerman mund të vizitojnë bazën ushtarake të NATO-s në Konja”.
Gjithashtu, Çavusoglu theksoi se armiqësia ndaj Turqisë shkaktoi rritjen e racizmit dhe ksenofobisë në Gjermani, këtë fakt e pranon edhe homologu i tij gjerman. “Ky nuk është problem vetëm i Gjermanisë, por i gjithë Evropës. Ne dëshirojmë që Gjermania t’i tejkalojë këto probleme”, deklaroi Çavusoglu.
