1326 – Traktati i Novgorodit përcakton kufijtë midis Rusisë dhe Norvegjisë në Finnmark (Norvegji).
1924 – Vdiq shkrimtari Franz Kafka në një sanatorium në Austri. Lindi në Pragë, ishte nënshtetas austro-hungarez, me prejardhje hebraike, gjysmë i pasur. Shkroi tregime të shkurtra, romane që nuk i përfundoi kurrë. 90 % të krijimtarisë së vet e dogji, ndërsa pjesën tjetër e la me testament që të digjej. Tërhoqi vëmendje pas vdekjes më shumë sesa kur ishte gjallë. Cilësohet si një nga autorët më me ndikim apo Dante i shekullit të njëzetë.
1931 – Lindi Raul Castro, lideri aktual i Kubës. Ai e mori pushtetin në Kubë nga vëllai i tij më i madh, Fidel, pas largimit të tij nga skena politike për shkak të gjendjes jo të mirë shëndetësore.
1940 – Franz Rademacher (zyrtar nazist) propozon plane për ta bërë Madagaskarin “vend për hebrenj” – ide që ishte konsideruar nga gazetari i shekullit të 19-të, Theodor Herzl – ku të gjithë hebrenjtë e Evropës të dërgoheshin atje për të jetuar. Por Hitleri mendoi se kishte gjetur një rrugë më të shkurtër, më pak të kushtueshme, Holokaustin – 6 milionë hebrenj u vranë gjatë tij.
1940- Në Luftën II Botërore, Gjermania bombardoi Parisin, duke vrarë 254 njerëz, shumica ishin civilë.
1989 – Qeveria e Kinës dërgon trupa për të detyruar protestuesit të largohen nga Sheshi Tiananmen, Pekin. Tanket u treguan më efektivë; studentët u shpërndanë, shumë u arrestuan, disa u shtypën nën zinxhirë (tankesh) – numri i saktë i të vrarëve nuk dihet.
2006 – Bashkimi Serbi-Mal i Zi merr fund zyrtarisht me shpalljen e pavarësisë së Malit të Zi.
