“Asnjë polic shqiptar të mos shkelë në veri të Kosovës”. Me këtë gjuhë kërcënuese u shpreh mbrëmë në një intervistë televizive kryeministri në largim i Serbisë, Aleksandër Vuçiç.
Duke iu referuar marrëveshjes së Brukselit, Vuçiç tha se kishte marrë vendim që të gjithë policët në veri të Kosovës të jenë të kombësisë serbe.
Vuçiç akuzoi edhe ish-presidentin Boris Tadiq, se nuk merrte vendime të rëndësishme për Kosovën.
“Asociacioni i Komunave Serbe është një pjesë e rëndësishme e Marrëveshjes së Brukselit, ishte lëvizja më e zgjuar në kohë të vështira. Tadiq nuk kishte arritur asnjë vendim. Ne e morëm vendimin që të gjithë punonjësit e policisë të jenë të nacionalitetit serb, dhe se asnjë polic shqiptarë të mos vë këmbë në Veri të Kosovës”, ka deklaruar Vuçiq,
Vuçiq ka thënë se është i gatshëm të bisedojë me cilindo përfaqësues të palës kosovare në bisedime.
