Ish-kryeministri grek, Konstantinos Mitsotakis ka ndërruar jetë në moshën 99-vjeçare.
Lajmin e ka dhënë familja e tij, me anë të një deklarate të shkurtër, ku thotë se ai ndërroi jetë të sot në orën 01:00 të mëngjesit.
Mitsotakis ka qenë aktiv në politikë për gati 60 vjet, pasi kishte mbajtur disa poste të kabinetit qeveritar, përfshirë ministrin e Financave dhe ministrin e Jashtëm, përpara se të tërhiqej si ligjvënës në vitin 2004.
Gjithashtu, ai udhëhoqi partinë konservatore të Greqisë, Demokracia e Re, nga 1984 në 1993 dhe shërbeu si kryeministër nga 1990 në 1993.
Konstantinos Mitsotakis ishte lideri i katërt i shtetit, që kishte moshën më të madhe në Greqi.
Djali i tij Kyriakos Mitsotakis u zgjodh President i Partisë Demokracia e Re më 10 janar 2016 dhe tani është udhëheqësi kryesor i opozitës.
Vajza e tij Dora Bakojani, ka shërbyer si Ministre e Kulturës dhe Punëve të Jashtme dhe gjithashtu është zgjedhur Kryetare e Bashkisë së Athinës.
