Sot është afati i fundit që PD-ja të dorëzojë listën me kandidatët e saj për zgjedhjet e 25 qershorit.
Përtej ngarkesës me listat e kandidatëve dhe e deputetëve aktual, kreu Basha nuk e ka pasur të lehtë të ketë një marrëveshje me aleatët e tij.
Famir Mediu, mësohet se është një nga aleatët më problematik deri tani dhe thuhet se do të shkojë i vetëm më zgjedhje pas mosmarrëveshjes me Bashën për kandidimin e 3 republikanëve në listat e PD-së.
Pak orë pas takimit të parë mes kreut të Partisë Republikane Fatmir Mediu me kreun e PD, Lulzim Basha në selinë e PD, dy liderët kanë zhvilluar një tjetër takim në seli për të negociuar marrëveshjen për zgjedhjet.
Takimi i dytë ka zgjatur rreth 30 minuta, ndërsa burime nga selia blu bëjnë me dije se edhe takimi i dytë ka dështuar dhe palët nuk kanë arritur marrëveshje.
Komisioni Qendror i Zgjedhjeve (KQZ), miratoi sot regjistrimin e Partisë Demokratike dhe të Partisë Republikane si subjekte zgjedhore për zgjedhjet parlamentare të 25 qershorit.
